Friday, May 4, 2018

உனக்கானவை

உனக்கானவை எல்லாம்
என் இருதய இருப்பிடம்
என் இரவின் மெளனம்
என் சல்லரை சேமிப்பு
என் சிந்திய கண்ணீர் துளி
என் மூச்சின் வெப்ப பயணம்
என் இரவு நிலவின் நெருக்கம்
என் காதலின் வாசற்படி
என் இறைவனின் சந்நிதானம்
என் கற்பின் கருவரை
என் தோல்வில் முயற்சி
என் மெல்லிய கணவின் தொடற்சி
எனக்காக நான் சேமித்த தனிமையும்
சேர்த்து கொண்டு
இப்பொழுது
 உனக்கானவையாக மாறியது

Sunday, April 15, 2018

நட்பென்னும் வான் மழை

என் நாட்கள், என் நிமிடங்கள், என் நோடிகள் அனைத்தையும் உனதாக்கிக் கொண்டாய்.

உரைநடையாய் கழிந்த வாழ்க்கையை கவிதையால் நிரப்பினாய்.

தண்டவாளம் போல் செல்ல மட்டுமே ஆசை
சேர்ந்தும் சேராமலும்.

நட்பேனும் பாதையில்
நடைபயணம் ஆரம்பம்
நம் கடைசி பயணம் வரையில்

நமது தேளிந்த நீரோடையில்
நம்மை கடந்து செல்வோர்
குளிர் நிலவையும் காணலாம்
சுட்டெரிக்கம் சூரியனையும் காணலாம்
பார்வை பழுதில்லாமல் இருந்தால்

விண்மீன்கள் கரையும் மட்டும் நம் நட்பென்னும் ஒளி வீசும்

விழி மூடி உன்னுடன் நடப்பேன்
இருள் சூழ்ந்த மழைக் காட்டிலும்
வான் மழையாய் நீ்
கை கோர்ப்பதென்றால்

Friday, March 9, 2018

நட்பெனும் சுவாசம்

மறிப்பேனோ உந்தன் மடியில்
மலர்கின்றேன் உன்னுடன் சிரிக்கின்ற பொழுதில்

சில நேரம் தவித்தேன்
பல நேரம் தவழ்ந்தேன்
குழந்தையாய் உந்தன் அருகில்

நட்பென்ற நெருப்பின்பிடியில்
சுட்டாலும் வெண்சங்காய் நிறத்தில்

தேடிக்கிடைத்த நட்பென்ற புதயலுக்கு வழி நீ
விரல் கோர்த்து துணை நின்றாய்

கடைசி நிமிடமும் நீங்கா உன் நேசம் வேண்டும்
நினைவில் உன் நட்பெனும் சுவாசம் வேண்டும்

Sunday, February 11, 2018

நட்பதிகாரம்

ரெக்கை விரிக்கிறேன்
உன் நட்பேனும் வானில்

நிலவாய் ஒளிர்கிறேன்
உன் சூரிய கிரனங்களால்

வீழ போவதில்லை
நட்பெனும் சிகரம் தொட்டு.....
கீழ்நோக்கி பாயும் அறுவிபோல் மட்டுமே ஆவேன்

காதல் கேட்காமல் கவிதை கேட்டாய்
நண்பனே.....
ஆண்மகனில் ஓரே அன்னை நீ.

என்றும் இந்த நட்புக் கப்பல் அலையாடும்
கலங்கரை விளக்காய் நீ இருந்தால்.

Monday, February 20, 2017

குடும்ப வரைபடம்

நீள் செவ்வக வாழ்கையில்
முக்கோணங்களே கிடைத்தன
புதிய கோடாக விழைகையில்
தொடக்கமும் இல்லா முடியுமில்லா
வட்டத் துன்பங்களே நிறந்திருந்தன

Friday, September 30, 2016

முடியும் நிமிடங்கள்














முடிந்துவிட போகிறது
உனக்கும் எனக்குமான நிமிடங்கள்
தக்கவைத்துக்கொள்ள முயலவில்லை
கலையட்டும்.
இனி எல்லாம் நான் நானாக
நான் மட்டுமே உள்ள நினைவுகளை சுமக்க நினைக்கிறேன்
உன்னை போல் சேர்ந்த வெற்றுச்சுமைகளை
அந்த சிவப்புக் கட்டிடதிற்குள் புதைக்க விழைகிறேன்
கிழிந்த உன் முகத்திரையில்
ஒளிர்ந்தது என் உள்முகம்
உணர்ந்த ஒர் நிமிடம் புரிந்தது
இனி என் இடம் இதுவல்லவென
நிலம் பார்த்து கரம் பிடித்தவள்          
இன்று நானிலம் பார்க்க வெளிச்சென்றேன்

Saturday, November 28, 2015

பெண் தோழி

அவன் பார்க்கும் பார்வையை தாங்க முடியாமல் ரகு விழுந்து விழுந்து சிரித்த போது இன்னும் ஒன்றும் புரியாமல் குழம்பிப் போனான். பிறகு மெல்ல வாயை திறந்து, 'ரகு எனக்கு ஆச்சர்யமாக இருக்கு. நீயா? நீயா இப்படி பேசினே? எப்படி அந்த அழகான தேவதையை வேண்டாம்னு ஒதறிதள்ள முடிஞ்சது உன்னால? என்னால நம்பவே முடியலை. சாதாரண துணை நடிகையா இருந்தாலும் உனக்கு பிடிச்சுருச்சுன்னா விடமாடே, உடனே டேட்டீங் கிளம்பிடுவே. இன்னைக்கு என்ன ஆச்சு உனக்கு? நல்ல சான்ஸ் மிஸ் பண்ணிட்டியே இப்படி.' என  புலம்பாத குறையாக கூற,
அதற்குள் தனது வயிற்றைப் பிடித்துக் கொண்டு சிரித்து முடித்துவிட்டு ரகு, "நான் என்ன முட்டாளா? இப்படி ஒரு ஃபிகர் தானா வந்தா சும்மாவிட? எல்லாம் காரணம் இருக்கு". என கூறும் போதே ஷாட் ரெடி என அழைப்பு வர இருவரும் போனார்கள்.

இங்கு ரகு வீட்டில்....
" அய்யோ அம்மாடி ரதி, என்னால அந்த ருத்திர மூர்த்தி எதுர்க்க நிற்க முடியலை, என்ன ஒரு ஆவேசம், கோவம். நான் எழுதினதை படிச்சதும்...அப்பாப்பா... என்னால இனி இந்த ஜென்மத்துல அவர் முன்னாடி போய் நின்னு நான் உங்க தீவிர விசிறினு சொல்லகூட முடியாத மாதிரி பண்ணிடியேடி, ஏன் தான் உனக்கு போய் நான் ப்ரண்டா ஆனேனோ தெரியலை போ..." என அந்த தேவதை பெண் ரதியிடம் கூறி அங்காலாய்த்தாள்.
ரதி,"இல்லடி மேகா, நீதான் நான் வச்ச டெஸ்ட்க்கு சரியான ஆள். உன் அழகுக்காக எத்தனை ஆம்பிளைங்க உன்ன பின்னாடி வந்திருக்காங்க. ஒரு நிமிடமாவது தடுமாறமாட்டாங்க. அதுக்குத்தான் அவரை பார்க்க உன்னை அனுப்பினேன். இப்போ ரொம்ப சந்தோஷமா இருக்குடி. அவரை பத்தி அங்க இங்க கேள்விபட்டது, பத்திரிகைல படிச்சதுனு ரொம்ப குழம்பி போயிருந்தேன். நல்ல வேளை என் புருஷன் உத்தமன் தான்" என கூறி இருவரும் சேர்ந்து சந்தோஷத்தை ஐஸ்கிரிம் சாப்பிட்டு கொண்டாடிக் கொண்டிருந்த அதே வேளையில்,

இடைவெளியின் போது மீண்டும் நனது ஹீரோ பேக் டு தி பாய்ண்ட் வந்து கேள்விகளை அடிக்க, ரகுவும் ஏளன சிரிப்புடன், " என் பொண்டாட்டிக்கு கொஞ்ச நாளச் என் மேல சந்தேகம்னு அவ ஆக்ட்டிவிடீஸ்லயே தெரிஞ்சுகிட்டேன். இப்படி ஏதாவது செய்வானு எதிர் பார்த்தேன். அதான் நடந்துச்சசு"  எனறான் கூலாக.
ஹீரோவும் விடவில்லை, "ஹே... அது சரி...இருந்தாலும்.... எப்படிடா இந்த ஃபிகர்னு கண்டுபிடிச்ச" என்றான்.
ரகு, " நாமல்லாம் யாரு, கல்யாணத்தன்னைக்கு என் பொண்டாட்டியோட ப்ரண்ட்ஸ்லயே இவதாண்டா ரொம்ப அழகு. அன்னைக்கே பிராக்கேட் போட நினைச்சேன். முடியலை. ஏன்னா... மேடயவிட்டு எழுந்திரிக்க கூடாது, நீதான் கல்யாணப் பையனு அப்பப்போ வாத்தியார் நியாபகபடுத்திட்டிருந்தார். அதான் அன்னைக்கு மிஸ் ஆகிடுச்சு. மறக்க முடியுமா இவளையெல்லாம் ஹும்ம்ம்....சொல்லு? என கேட்டு சிரித்து, "ஆனா இவளையே என் அருமை பொண்டாட்டி என்கிட்டயே நடிக்க அனுப்பியிருக்கா பார். முட்டாள்... என மீண்டும் உறக்க சிரிக்க, ஷாட் ரெடி என கூவிய குறலுக்கு அங்கும் நடிக்க சென்றான் அந்த அபார நடிகன்.
                                             முற்றும்.